Brand Checkup
الخدمة دي معمولة علشان تخلّصك من مرحلة إنك “حاسس” إن فيه مشكلة… وتدخّلك مرحلة إنك “عارف” المشكلة فين وازاي تتصلّح.
إيه فكرة الخدمة؟
إن البراند بتاعك مش مجرد لوجو ولا محتوى بيتنزل. هو نظام كامل: رسالة، جمهور، منافسين، صوت، تجربة، أداء رقمي… ولو فيه مسمار واحد مخلوع، الدنيا كلها تهتز.
Brand Checkup بيشخص الوضع بدقة، ويرسم لك الطريق اللي يخلّي البراند ماشي بثبات.
1) تحليل الهوية الحالية
- بنراجع الشكل العام وصوت البراند
- رسائله الأساسية واتساقها عبر المنصات
- مدى قوة هويته مقارنة بالسوق
الهدف: نعرف أنت بتبان للناس إزاي.. وهل الصورة دي بتخدم أهدافك.
2) تحليل الجمهور
- الجمهور الحقيقي واحتياجاته ورغباته
- سلوكياتهم وإزاي شايفينك وبيتعاملوا معاك
- الفجوة بين اللي أنت متخيله والواقع
الهدف: نفهم هل كلامك رايح للشخص الغلط ولا الرسالة مش وصلة.
3) تحليل المنافسين
- مين بيلعب في نفس ملعبك ونقاط قوتهم
- إيه اللي بيكسبهم وإيه اللي بيكسرهم
- إزاي تتميز عنهم بطريقة ذكية
الهدف: تعرف مكانك الحقيقي في السوق.
4) تحليل وجودك الرقمي
- المحتوى والتصميم وطريقة الطرح
- التفاعل الطبيعي والمدفوع وأداء الحملات
- نقاط ضعف بتضيع مجهودك وفلوسك
الهدف: نكتشف إيه اللي شغال وملمّعك وإيه اللي مكسّرك.
5) الفرص ونقاط الضعف
- فين المكاسب السريعة (Quick Wins)
- فين التسريبات اللي بتاكل ميزانيتك
- الخطوات اللي هتديك دفعة كبيرة
الهدف: تعظيم المكاسب وتقليل الخسائر.
6) التوصيات التنفيذية
خطة مختصرة، خطوات تمشي عليها فوراً، بدون تعقيد أو تنظير.
نقاط واضحة: تعمل إيه.. وليه.. وإزاي.
الهدف: خريطة طريق عملية للتحرك فوراً نحو النمو.
مناسب لمين؟
أصحاب البراندات اللي الأمور واقفة عندهم
الشركات المحتاجة ترتيب قبل حملات جديدة
الناس اللي شايفة نتائج ضعيفة ومش عارفة السبب
أي براند عايز ياخد لقطة واقعية قبل التحرك
الخلاصة
Brand Checkup مش تقرير شكله حلو.. هو عملية فحص حقيقية تخليك فاهم وضعك وواقف على رجلك قبل ما تبدأ أي خطوة تسويقية.
احجز الـ Brand Checkup الآن